ప్రకాశం జిల్లా కనిగిరి నగర పంచాయతీలోని ప్రభుత్వం కొనుగోలు చేసిన పారిశుద్ధ్య యంత్రాలు తుప్పు పట్టిపోయి మూలకు చేరుతున్నాయి. ప్రజాధనం తుప్పు రూపంలో వృథా అవుతున్నా.. పట్టించుకునే నాథుడే లేడని గ్రామస్థులు వాపోతున్నారు. ఈ మధ్యకాలంలో ప్రభుత్వం.. పంచాయతీలో మురుగు కాలువల్లో చెత్త తొలగించేందుకు అత్యవసరంగా ఉపయోగించే మినీ జేసీబీ యంత్రాని కొనుగోలు చేసింది. నిత్యం పారిశుద్ధ్యానికి ఉపయోగపడే ఈ వాహనం అధికారుల నిర్లక్ష్యమో..లేక అశ్రద్ధో.. కానీ నేడు నిరుపయోగంగా మారాయి. తుప్పుపట్టి మూలకు చేరాయి. దీంతో సంబంధిత అధికారులు, ప్రజాప్రతినిధులకు ప్రజాధనం దుర్వినియోగంపై ఇంత నిర్లక్ష్యం తగదని పలువురు స్థానికులు అంటున్నారు. ఇప్పటికైనా అధికారులు స్పందించి మూలనపడ్డ యంత్రాన్ని ఉపయోగంలోకి తీసుకురావాలని గ్రామస్థులు కోరుతున్నారు.
ఇదీ చూడండి: ఇన్సైడర్ ట్రేడింగ్ కేసులు కొట్టివేసిన హైకోర్టు
