ప్రకాశం జిల్లాలో కరోనా పాజిటివ్ కేసుల సంఖ్య పెరగడం వల్ల రెడ్జోన్ల సంఖ్య పెరగింది. రెండోవిడత లాక్డౌన్ గడువు ఈ నెల మూడవ తేదీలో ముగుస్తుంది. లాక్డౌన్ ముగిసిన అనంతరం జిల్లాకు ఏ మేరకు మిహాయింపు ఉంటుంది... ఉపశమనం కలుగుతుందనే విషయాలపై జిల్లా వాసులు ఆలోచనలు సాగిస్తున్నారు. జిల్లాలో మొదట ఒంగోలు, చీరాల, కారంచేడు మాత్రమే రెడ్జోన్లుగా ఉన్నాయి. అనంతరం ఆ సంఖ్య ఆరుకు చేరుకుంది. ఇప్పుడు ఎనిమిదికి వచ్చింది. ఆరెంజ్ జోన్లు కూడా తొలుత ఏడు ఉన్నాయి. ఇప్పటికే రెడ్, ఆరెండ్ జోన్లలో అత్యవసర సేవలు మినహా సాధారణ సేవలపై నిషేధం ఉంది. గురువారం వరకు పాటిటివ్ కేసులను బట్టి 8 మండలాలు రెడ్, 9 మండలాలు ఆరెండ్, మిగిలిన 39 మండలాలు గ్రీన్జోన్ల జాబితాలో ఉన్నాయి. ప్రకాశం జిల్లాలో మొత్తం 60 కరోనా పాజిటివ్ కేసులు నమోదయ్యాయి. ఒంగోలు 33, చీరాల 7, కందుకూరు 3, కారంచేడు 4, గుడ్లూరు 5 మిగిలివి ఒక్కొక్కటి చొప్పున ఉన్నాయి. ఇప్పటివరకు 23 మంది కోలుకొని ఆసుపత్రుల నుంచి డిశ్చార్జ్ అయ్యారు.
ఇదీ చదవండి :
