కరోనాపై ఏమాత్రం అజాగ్రత్త వద్దంటూ అధికారులు హెచ్చరిస్తున్నారు. అనవసరంగా రోడ్లపైకి రాకుండా ప్రజల్ని కట్టడి చేస్తున్నారు. అయినప్పటికీ కొంతమంది అనవసరంగా రోడ్లపైకి వస్తున్నారు. అలాంటి వారికి అవగహన కల్పించేందుకు విజయనగరం జిల్లా బొబ్బిలిలో స్థానిక రోటరీ క్లబ్, గ్రీన్బెల్ట్ సంస్థల ఆధ్వర్యంలో వినూత్న ప్రయత్నం చేశారు. యముడు వేషధారణలో జేసీ రాజు, కరోనా వేషధారణలో రమణమూర్తి అనే ఉపాధ్యాయుడు మార్కెట్కు వచ్చే ప్రజలకు అవగాహన కల్పిస్తున్నారు. మాస్కులు లేకుండా రోడ్లపైకి వచ్చిన వారికి మాస్కులు కడుతున్నారు.
వివిధ పద్ధతుల్లో కరోనాపై అవగాహన
ఉపాధి కూలీలు కరోనా పట్ల అవగాహన కలిగి ఉండాలని గ్రామసిరి సంస్థ ప్రతినిధులు తెలిపారు. ప్రకాశం జిల్లా పెద్దగంజాం, పల్లెపాలెంలో ఉపాధి హామీ పనులు చేస్తున్న కూలీలకు గ్రామసిరి - బాపట్ల స్వచ్ఛంద సేవా సంస్థ, ఐటీసీ ఆధ్వర్యంలో కరోనా వ్యాప్తిపై అవగాహన కల్పించారు. అద్దంకిలోనూ అధికారులు కరోనాపై వినూత్న పద్ధతుల్లో అవగాహన కల్పిస్తున్నారు. స్థానిక ఎక్సైజ్ ఎస్సై ఆధ్వర్యంలో పట్టణంలోని రాంనగర్ చెక్పోస్ట్ వద్ద రహదారిపై కరోనా చిత్రాన్ని ఏర్పాటు చేశారు.
ఇదీ చూడండి:
