రహదారి పనులు చేస్తున్న టిప్పర్ ఢీకొని వ్యక్తి మృతిచెందాడని తమకు న్యాయంచేయాలని కోరుతూ ప్రకాశంజిల్లా చిన్నగంజాంలో రహదారిపై మృతదేహంతో మృతుని బంధువులు రాస్తారోకో నిర్వహించారు... పెద్దగంజాం పంచాయితీ పరిధిలోని ఆవులదొడ్డి గొల్లపాలెంకు చెందిన ఆవుల శివప్రసాద్ ద్విచక్రవాహనంపై పెద్దగంజాం నుంచి చిన్నగంజాం వెళ్తుండగా...గత రాత్రి గుర్తుతెలియని వాహనం ఢీకొట్టింది. ఈ ఘటనలో అతను అక్కడికక్కడే మృతిచెందాడు. మృతికి జాతీయరహదారి పనులకు ఉపయోగిస్తున్న టిప్పరే కారణమని ఆరోపిస్తూ...రహదారిపై బంధువులు ఆందోళన చేపట్టారు. దీంతో ఒంగోలు - చీరాల మద్య వాహనాలరాకపోకలు నిలిచిపోయాయి.. సంఘటనా స్దలానికి చేరుకున్న పోలీసులు ఆందోళనకారులతో మాట్లాడి పరిస్థితిని చక్కదిద్దారు.
రహదారిపై బంధువుల ఆందోళన
ఇదీచదవండి
