మెట్ల పైనుంచి పడి మహిళ మృతి

మేడపై నుంచి దిగుతూ ప్రమాదవశాత్తూ కాలు జారి పడిపోవటంతో ఓ మహిళ మృతి చెందింది. ఈ విషాదకర సంఘటన ప్రకాశం జిల్లా ఏల్చురు గ్రామంలో జరిగింది.

ప్రకాశం జిల్లా సంతమాగులూరు మండలం ఏల్చురు గ్రామంలో విషాదం జరిగింది. గ్రామంలోని షేక్ ఆశాభి అనే మహిళ బట్టలు తీసుకొచ్చేందుకు మేడ పైకి ఎక్కింది. దిగుతున్నప్పుడు ప్రమాదవశాత్తూ మెట్ల పైనుంచి జారి పడిపోయింది. తలకు బలమైన గాయం కావటంతో ఆమె అక్కడిక్కడే మృతి చెందింది. సమాచారం అందుకున్న పోలీసులు కేసు నమోదు చేసుకొని మృతదేహాన్ని పంచనామాకు అద్దంకి ప్రభుత్వాసుపత్రికి తరలించారు. ఆశాభి మృతితో కుటుంబసభ్యులు కన్నీమున్నీరుగా విలపిస్తున్నారు.

ఇదీ చదవండి: ఉపాధి కూలీ మృతి