ప్రకాశం జిల్లా గిద్దలూరులోని సింగరపల్లిలో జనసేన కార్యకర్త ఆత్మహత్య చేసుకున్నారు. దీనిపై జనసేన అధినేత పవన్ కల్యాణ్ విచారం వ్యక్తం చేశారు. పార్టీ కార్యకర్త బలవన్మరణానికి పాల్పడటం బాధాకరమన్నారు. గ్రామంలో పారిశుద్ధ్య సమస్యలు పరిష్కరించాలని అడగడం తప్పా అని ప్రశ్నించారు. వెంగయ్య మృతికి ప్రభుత్వం బాధ్యత వహించాలన్నారు. తమ కార్యకర్తను బెదిరించి ఆత్మహత్య చేసుకునేలా ప్రేరేపించారని ఆరోపించారు. గిద్దలూరు ఎమ్మెల్యే, ఆయన అనుచరులపై క్రిమినల్ కేసు పెట్టాలని ఆయన డిమాండ్ చేశారు.
ఇదీ చదవండి: జిల్లాలో ఎన్టీఆర్ వర్ధంతి.. నేతల నివాళి
