వివిధ రాష్ట్రాల్లో దొంగతనాలకు పాల్పడుతున్న ముఠాను ప్రకాశం జిల్లా పోలీసులు అరెస్ట్ చేశారు. ప్రకాశం జిల్లాకు చెందిన చింతల సిసింద్రి, మన్నెం రామాంజనేయులు, మోటా నవీన్‌, షేక్‌ సాహుల్‌ ఓ ముఠాగా ఏర్పడి ఆంధ్ర, తెలంగాణలలో పలు జిల్లాల్లో దొంగతనాలకు పాల్పడుతున్నారు. ఈ ముఠా గుంటూరు జిల్లా నుంచి వస్తున్నారని సమాచారం అందుకున్న మార్కాపురం డీఎస్పీ ఆధ్వర్యంలో బృందాలుగా ఏర్పడి నిఘా పెట్టారు. షిప్ట్ కారులో వస్తున్న వీరిని కంబం సమీపంలో పట్టుకున్నారు.
వీరి వద్ద నుంచి కారుతో పాటు, 9 మోటారు సైకిళ్ళు, బంగారం, సెల్‌ ఫోన్లు, టీవీలు వంటి 18 లక్షల రూపాయల విలువ గల చోరీ సొత్తును పోలీసులు స్వాధీనం చేసుకున్నారు. ఈ ముఠాపై రెండు రాష్ట్రాల్లో దాదాపు 150 కేసులు ఉన్నట్లు ఎస్పీ సిద్దార్థ కౌశల్‌ పేర్కొన్నారు.
ఇదీ చదవండి
