ప్రకాశంజిల్లా మార్టూరు మండలం బొబ్బేపల్లిలో ఓ వ్యక్తి కన్న తండ్రిని దారుణంగా హతమార్చాడు. పదేళ్ల కిందట పదవీవిరమణ చేసిన విశ్రాంత ఎక్సైజ్ ఏ.ఎస్‍.ఐ బత్తుల పరుశు రామారావు ఎస్సీ కాలనీలో నివాసముంటున్నాడు. కొద్దికాలం క్రితం ఆయన భార్య, ఇద్దరు కుమార్తెలు మరణించగా.. మరో ఇద్దరు కుమార్తెలు, ఇద్దరు కుమారులు ఉన్నారు.
చిన్న కుమారుడనే మమకారంతో పరుశురామారావు రమేశ్ వద్దనే ఉంటున్నారు. మద్యం, చెడువ్యసనాలకు అలవాటు పడ్డ రమేశ్ డబ్బుల కోసం తండ్రిని వేధించేవాడు. ప్రభుత్వం నెల నెలా ఇచ్చే పింఛను 3 రోజుల కిందట రూ.30 వేలు రాగా... ఆ మొత్తం తనకే ఇవ్వాలంటూ శుక్రవారం రాత్రి రమేశ్ తండ్రితో గొడవకు దిగాడు. ఇవ్వనని చెప్పటంతో విచక్షణ కోల్పోయి పక్కనే ఉన్న కర్రతో తలపై బలంగా కొట్టాడు. దీంతో పరుశు రామారావు అక్కడికక్కడే మృతి చెందాడు. ఘటనపై కేసు నమోదు చేసుకున్న పోలీసులు విచారణ చేపట్టారు.
ఇవీ చదవండి...
