విస్తృతంగా దామచర్ల జనార్దన్​ ప్రచారం

ఒంగోలు ఎమ్మెల్యే దామచర్ల జనార్దన్ ఎన్నికల ప్రచారాన్ని ముమ్మరం చేశారు. నగరంలోని వీధులన్నీ తిరుగుతూ తెదేపాకు ఓటు వేయాలని ప్రజలను కోరుతున్నారు.

ప్రకాశం జిల్లా ఒంగోలు తెదేపా అభ్యర్థి దామచర్ల జనార్దన్ నగరంలో విస్తృతంగా ఎన్నికల ప్రచారం నిర్వహించారు. నేతాజీ నగర్, వెంకటేశ్వర కాలనీలో దామచర్ల ప్రచారానికి విశేష స్పందన లభించింది. ఇంటింటికి వెళ్లి తమ ప్రభుత్వం చేసిన అభివృద్ధి కార్యక్రమాలతో పాటు ప్రభుత్వ సంక్షేమ కార్యక్రమాలు ప్రజలకు వివరించారు. ప్రజల సమస్యలు అడిగి తెలుసుకుని పరిష్కారానికి హామీ ఇచ్చారు. తెదేపాకు ఓటు వేసి భారీ మెజారిటీని అందించాలని విజ్ఞప్తి చేశారు.