కేంద్రం నిర్ణయాలు విచిత్రంగా ఉన్నాయి:సీపీఐ రామకృష్ణ

కేంద్ర ప్రభుత్వ అసంబద్ద నిర్ణయాలు వల్ల దేశంలో ఆర్థిక మాంద్యం ఏర్పడిందని ... దీనిపై దేశమంతా చర్చసాగాల్సిన అవసరం ఉందని సీపీఐ రాష్ట్ర ప్రధాన కార్యదర్శి రామకృష్ణ అభిప్రాయపడ్డారు.

ఒంగోలులో సీపీఐ రాష్ట్ర కమిటీ ప్రధాన కార్యదర్శి రామకృష్ణ విలేకర్ల సమావేశంలో నిర్వహించారు. ఈ సమావేశంలో ఆయన మాట్లాడుతూ...జీడీపీ గణనీయంగా పడిపోతుందని, ఉత్పత్తి రంగం కూడా కుదేలవుతుందన్నారు..పరిశ్రమలు మూతపడి కార్మికులకు, ఉద్యోగులకు పనుల్లేక అల్లాడుతున్నారని, 12.5శాతం ఉండే ఉత్పత్తి రంగం 2 శాతానికి పడిపోయిందంటే పరిస్థితి ఎలా ఉందో అర్థం అవుతుందన్నారు. కేంద్రం నిర్ణయాలు విచిత్రంగా, ప్రజలను ఇబ్బంది పాలుచేసే విధంగా ఉన్నాయయన్నారు. తెలుగురాష్ట్రాల ప్రధాన కేంద్రాలుగా ఉన్న స్టేట్‌ బ్యాంక్‌ ఆఫ్‌ హైదరాబాద్​ను స్టేట్‌ బ్యాంకులోనూ, ఆంధ్రా బ్యాంకును యూనియన్‌ బ్యాంకులోనూ విలీనం చేయడాన్ని తప్పుపట్టారు..

ఇదీ చూడండి

భారత్​-రష్యా మధ్య 15 కీలక రంగాల్లో ఒప్పందాలు