విద్యుదాఘాతంతో యువకుడి మృతి

పొలంలో మోటార్​ ఏర్పాటు చేసేందుకు వైర్లు సరి చేస్తుండగా విద్యుత్​ సరఫరా జరిగి ఓ యువకుడు మృతి చెందాడు. మృతుడి తండ్రి ఫిర్యాదు మేరకు పోలీసులు కేసు నమోదు చేసుకున్నారు.

ప్రకాశం జిల్లా బల్లికురవ మండలం కొత్తూరు గ్రామ పంచాయతీ పరిధిలో.. విద్యుదాఘాతానికి గురై ఓ యువకుడు మృతి చెందాడు. కొత్తూరు పంచాయతీ శివారు అరుణగిరి తండాకు చెందిన మేడావత్ సురేష్ నాయక్ తన పొలంలో మోటారు బిగించేందుకు విద్యుత్తు వైర్లు సరి చేస్తున్నాడు. ఆ వైర్లకు విద్యుత్తు సరఫరా కావడంతో షాక్​నకు గురై సురేష్ నాయక్ మృతి చెందాడు. మృతుని తండ్రి హర్యానానాయక్ ఇచ్చిన ఫిర్యాదు మేరకు కేసు నమోదు చేశారు. శవపరీక్ష నిమిత్తం మృతదేహాన్ని అద్దంకి ఆసుపత్రికి తరలించారు.

ఇదీ చదవండి: కొవిడ్​ పంజా: 40 వేలు దాటిన మృతుల సంఖ్య