'సాగునీటి ప్రాజెక్టుల విషయంలో ప్రభుత్వం నిర్లక్ష్యం'

వైకాపా ప్రభుత్వం సాగునీటి ప్రాజెక్టులపై దృష్టి పెట్టటం లేదని తెదేపా నెల్లూరు, చిత్తూరు జిల్లాల తెలుగు రైతు అధ్యక్షులు ప్రభాకర్ రెడ్డి, రాధాకృష్ణ నాయుడు ఆగ్రహం వ్యక్తం చేశారు. సీఎం జగన్​ అధికారంలోకి వచ్చి రెండు సంవత్సరాలు గడుస్తున్నా... పనులు పూర్తి చేయటానికి మీనమేషాలు లెక్కిస్తున్నారని మండిపడ్డారు.

సాగునీటి ప్రాజెక్టులను పూర్తి చేయకుండా వైకాపా ప్రభుత్వం నిర్లక్ష్యం వహిస్తోందని తెదేపా నెల్లూరు, చిత్తూరు జిల్లాల తెలుగు రైతు అధ్యక్షులు ప్రభాకర్ రెడ్డి, రాధాకృష్ణ నాయుడు అన్నారు. అధికారంలోకి వచ్చి రెండేళ్లు గడిచినా.. నేటికీ పనులు నత్తనడకన సాగుతున్నాయన్నారు. నెల్లూరు జిల్లాలో పెన్నా, సంగం బ్యారేజీ విషయంలో మీనమేషాలు లెక్కిస్తున్నారని మండిపడ్డారు.

తెదేపా హయాంలో పెన్నా బ్యారేజీ పనులు 80 శాతం పూర్తయ్యాయని, మిగిలిన 20 శాతం పనులను వైకాపా ప్రభుత్వం ఇప్పటికీ పూర్తి చేయలేకపోతుందన్నారు. సంగం బ్యారేజీ పనులు నత్తనడకన సాగుతున్నాయని విమర్శించారు. ఇప్పటికే 69శాతం నిర్మాణం పూరైన పోలవరం ప్రాజెక్టు పనులు పూర్తి చేయకుండా ఆలస్యం చేస్తున్నారని మండిపడ్డారు. ప్రభుత్వం సాగునీటి ప్రాజెక్టులపై దృష్టి సారించి.. త్వరగా పూర్తి చేయాలని తెలుగు రైతు అధ్యక్షులు డిమాండ్​ చేశారు.

'సోమిరెడ్డిపై కేసు.. విడ్డూరం'

ఒక సాఫ్ట్​వేర్​ సంస్థకు చెందిన నర్మదా రెడ్డి, మాజీ మంత్రి సోమిరెడ్డి చంద్రమోహన్ రెడ్డిపై కృష్ణపట్నంలో కేసు పెట్టటం విడ్డూరంగా ఉందని తిరుపతి పార్లమెంటరీ జిల్లా అధ్యక్షుడు రాధాకృష్ణ నాయుడు అన్నారు. గూగుల్​లో ఆనందయ్య మందు రూ.167 అమ్ముతున్నట్లు పెట్టిన ప్రకటన చూసిన సోమిరెడ్డి.. ఔషధాన్ని ఆన్​లైన్​లో పెట్టటం సరైంది కాదన్నారు. దీంతో అతనిపై కృష్ణపట్నంలో కేసు పెట్టారు. ప్రశ్నించినా, అభిప్రాయం తెలిపినా కేసులు పెడతారా అంటూ తెదేపా నాయకులు మండిపడుతున్నారు.

ఇదీ చదవండి: