సమస్యలు పరిష్కరించాలని పారిశుద్ధ్య కార్మికుల ఆందోళన

రాష్ట్ర కమిటీ పిలుపు మేరకు ఉదయగిరిలో పారిశుద్ధ్య కార్మికులు ఆందోళన చేశారు. తమ సమస్యలను పరిష్కరించాలంటూ తహసీల్దార్​కు వినతిపత్రం ఇచ్చారు.

తమ సమస్యలు పరిష్కరించాలని డిమాండ్ చేస్తూ... ఉదయగిరి తహసిల్దార్ కార్యాలయం వద్ద పంచాయతీ పారిశుద్ధ్య కార్మికులు ఆందోళన చేశారు. గరీబ్ కళ్యాణ్ యోజన పథకంలో భాగంగా రూ.50 లక్షల బీమా మొత్తం పూర్తి చేయాలన్నారు. నవంబర్ నుంచి పెండింగ్​లో ఉన్న వేతనాలు మంజూరు చేయాలని డిమాండ్ చేశారు. పీఎఫ్, ఈఎస్ఐ ఇవ్వాలన్నారు. కార్మికులకు ప్రభుత్వ నిబంధనల ప్రకారం యూనిఫామ్, ఇతర వస్తువులను సరఫరా చేయాలని కోరారు. తమ సమస్యలు పరిష్కరించకపోతే వచ్చేనెల నుంచి విధులు బహిష్కరిస్తామని హెచ్చరించారు.

ఇవీ చదవండి: జగనన్న విద్యా దీవెన పథకం ప్రారంభించిన సీఎం