Illegal Layouts in Atmakur: నెల్లూరు జిల్లాలోని ఆత్మకూరులో అనధికారికంగా పుట్టగొడుగుల్లా పుట్టుకొచ్చిన అక్రమ లేఔట్లను ఆత్మకూరు మున్సిపల్ వైస్ ఛైర్మన్ షేక్ సర్ధార్.. మున్సిపల్ కౌన్సిలర్లతో కలిసి పరిశీలించారు. లేవుట్ల ముసుగులో కోట్లాది రూపాయలు అక్రమార్కులు కొల్లగొడుతున్నారని.. అవేవీ అధికారులు పట్టించుకోవటం లేదని వైసీపీ కౌన్సిలర్లు ఆత్మకూరు తహసీల్దార్కు ఫిర్యాదు చేశారు. ఆత్మకూరులో అనధికార లేఔట్ల వ్యాపారం జరుగుతోందని వైసీపీ కౌన్సిలర్ సురా భాస్కర్ రెడ్డి అరోపించారు.
పట్టణంలో 33 లే అవుట్లకు మున్సిపల్, రెవెన్యూ శాఖల పర్మిషన్లు లేకున్నా.. రిజిస్ట్రేషన్ల ద్వారా కోట్ల రూపాయల వ్యాపారం కొనసాగిస్తున్నారని అన్నారు. అక్రమ లేఔట్లను మున్సిపల్ అధికారులు, రెవెన్యూ అధికారులు చూసీ చూడనట్లు వ్యవహరించడం వల్ల స్థానిక శాసనసభ్యులు మేకపాటి విక్రమ్రెడ్డితో పాటు వైసీపీకి చెడ్డపేరు వస్తోందన్నారు. ఈ అక్రమ లేఔట్ల వల్ల ప్రజల నుంచి విమర్శలు ఎదుర్కోవాల్సి వస్తుందన్నారు. ఇప్పటికైనా అధికారులు స్పందించి ఈ అక్రమ లేఔట్లకు రిజిస్ట్రేషన్ జరగకుండా చూడాలని కోరారు.
ఇవీ చదవండి:
