నెల్లూరు జిల్లా ఆత్మకూరులోని ఏరియా ఆస్పత్రిలో.. ఆర్డీఓ చైత్ర వర్షిణి ఆకస్మిక తనిఖీలు నిర్వహించారు. కొవిడ్ రోగులతో మాట్లాడి.. వారికి అందిస్తున్న వైద్యసేవల గురించి అడిగి తెలుసుకున్నారు. వారికి అందించే పౌష్టికాహారం, ఆస్పత్రి ప్రాంగణంలో శానిటైజేషన్, పరిశుభ్రతపై ఆరా తీశారు. ప్రభుత్వం చేపట్టిన కర్ఫ్యూ వల్ల ఆసుపత్రిలో చేరే రోగుల సంఖ్య క్రమంగా తగ్గుతోందని అన్నారు. మంత్రి మేకపాటి గౌతమ్రెడ్డి ఆదేశాల మేరకు బాధితులకు ఎటువంటి ఇబ్బందులు లేకుండా చూసేందుకు ప్రయత్నిస్తున్నట్లు ఆర్డీఓ వెల్లడించారు.
కొవిడ్ సెంటర్లలో చికిత్స పొందుతున్న వారికి ధైర్యం, ఆత్మ విశ్వాసం కలిగించేలా కార్యక్రమాలు నిర్వహిస్తున్నట్లు ఆమె పేర్కొన్నారు. పట్టణంలోని ఆస్పత్రులు, రద్దీగా ఉండే ప్రాంతాల్లో ఇకపై ఎప్పటికప్పుడు తనిఖీలు నిర్వహిస్తామని చెప్పారు. ఆత్మకూరు ఏరియా ఆసుపత్రికి, టిడ్కో కేర్ సెంటర్లకు అవసరమైన ఎంఎన్ఓల ప్రక్రియపై దృష్టిసారించినట్లు ఆమె తెలిపారు. నియోజకవర్గంలోని కొవిడ్ పరిస్థితులపై మంత్రి గౌతమ్రెడ్డి వివరాలు అడిగి తెలుసుకున్నారని చెప్పారు. కొవిడ్ నియంత్రణకు ప్రతి ఒక్కరూ కృషి చేయాలని మంత్రి ఆదేశించినట్లు తెలిపారు.
ఇదీ చదవండి:
2 వారాల్లో.. 2 శాతం పాజిటివ్ రేట్ తగ్గుదల: కలెక్టర్‌ ఇంతియాజ్‌
