'కోడిపందాల స్థావరంపై పోలీసుల మెరుపు దాడి'

రానున్న సంక్రాంతి దృష్ట్యా పందాల సంప్రదాయం నెల్లూరు జిల్లాకు విస్తరించారు. బిట్రగుంటలోని గంగతిప్పలో పందాలు ఆడుతున్నారని తెలుకున్న పోలీసులు దాడులు చేయగా.. భారీగా నగదు, వాహనాలు, పందెం కోళ్లు స్వాధీనం చేసుకుని కేసు నమోదు చేశారు.

కోనసీమ కోడిపందాల సంస్కృతి ఇప్పుడు నెల్లూరు జిల్లాకి పాకింది. రానున్న సంక్రాంతిని అదనుగా చేసుకొని పందెంరాయుళ్లు శ్రీ పొట్టి శ్రీరాములు నెల్లూరు జిల్లా, బోగోలు మండలం బిట్రగుంటలోని.. గంగతిప్ప అటవీప్రాంతాన్ని కోడిపందాలకు అడ్డాగా మార్చారు. కోడి పందాలు ఆడుతున్నారని పక్కా సమాచారం అందుకున్న బిత్రగుంట పోలీసులు మెరుపు దాడులు చేశారు. పోలీసుల రాకను గుర్తించిన కొందరు పందెం రాయుళ్లు కార్లతో సహా పరారైనట్లు దాడులు నిర్వహించిన ట్రైనీ ఐపీఎస్ కె. వి మహేశ్వరరెడ్డి తెలిపారు.

ఈ దాడుల్లో 22 మంది పందెం రాయుళ్లను అదుపులోకి తీసుకొని.. 13 కార్లు, బైకు, ఆటో, 18 కోళ్లతో పాటు రూ.72,600 నగదును స్వాధీనం చేసుకున్నట్టు పోలీసులు తెలిపారు .దీనిపై కేసు నమోదు చేసి దర్యాప్తు చేస్తున్నామన్నారు.

ఇదీ చదవండి: