లక్షన్నర విలువచేసే ఎర్రచందనం పట్టివేత
నెల్లూరు జిల్లా వెంకటగిరి మండలం కుర్జాగుంట అటవీ పరిధిలో అటవీ శాఖ అధికారులు దాడులు నిర్వహించారు. ఎర్రచందనాన్ని అక్రమంగా తరలిస్తున్న నలుగురు వ్యక్తులను అదుపులోకి తీసుకుని.. లక్షలన్నర విలువచేసే 8 ఎర్రచందనం దుంగలను స్వాధీనం చేసుకున్నారు. వీరంతా చిత్తూరు జిల్లా శ్రీకాళహస్తి మండలం వాసులుగా అటవీశాఖ రేంజ్ అధికారి రాజేంద్ర ప్రసాద్ తెలిపారు. వ్యక్తులను అదుపులోకి తీసుకునే క్రమంలో ఓ వ్యక్తి నాటు తుపాకీతో కాల్పులు జరిపారని అన్నారు. పెనుగులాటలో తుపాకీని వదిలి వ్యక్తి పరారయ్యాడని.. నిందితుని కోసం గాలిస్తున్నట్లు తెలిపారు. నలుగురు నిందితులపై కేసు నమోదు చేసి దర్యాప్తు చేస్తున్నారు.
ఇదీ చదవండి: 'తలనొప్పి భరించలేక తనువు చాలించింది'
