ఆంధ్రప్రదేశ్ కైట్స్ అసోసియేషన్ ఆధ్వర్యంలో నెల్లూరులో గాలిపటాల పండుగ కోలాహలంగా సాగింది. నగరంలోని నెక్లెస్ రోడ్డులో జరిగిన కార్యక్రమంలో పిల్లలు, పెద్దలు గాలిపటాలు ఎగరేస్తూ సందడి చేశారు. వివిధ రూపాలు, ఆకారాల్లో ఉన్న గాలిపటాలు ఆకట్టుకున్నాయి.
సంక్రాంతి పర్వదినాన్ని పురస్కరించుకొని గత మూడేళ్లుగా గాలిపటాల పండుగను ఈ అసోసియేషన్ నిర్వహిస్తోంది. కనుమరుగవుతున్న సంప్రదాయాలను పరిరక్షించేందుకు గాలిపటాల పండుగ నిర్వహిస్తున్నట్లు నిర్వాహకులు తెలిపారు. వివిధ ప్రాంతాల నుంచి వచ్చిన ప్రజలు గాలిపటాలు ఎగరేస్తూ ఉల్లాసంగా గడిపారు.
ఇదీ చదవండి: Prabhalu: కోనసీమలో వైభవంగా ప్రభల తీర్థం
