వినూత్న ఆహ్వాన పత్రిక... అతిథులకు గుర్తుండిపోయేలా!
నెల్లూరు జిల్లా పెళ్లకూరు మండలం శిరసనంబేడు గ్రామానికి చెందిన కామిరెడ్డి కేశవరెడ్డి, సుమతి దంపతులకు ఇద్దరు కుమారులు. పెద్ద కొడుకు సాయిమురళీ కృష్ణారెడ్డి అమెరికాలో ఉద్యోగం చేస్తున్నారు. ఇతనికి ఫిబ్రవరి నెలలో వివాహం చేయాలని పెద్దలు నిర్ణయించారు. అయితే వివాహ ఆహ్వాన పత్రిక వినూత్నంగా ఉండాలని అతని కుటుంబసభ్యులు భావించారు. అతిథులకు ఏడాదిపాటు ఉపయోగపడేలా నూతన సంవత్సరం క్యాలెండర్ను ఆహ్వాన పత్రిక రూపంలో తయారు చేయించారు. వధూవరుల చిత్రాలతో క్యాలెండర్ రూపొందించి పెళ్లికి ఆహ్వానిస్తున్నట్లు అందులో పేర్కొన్నారు. వచ్చే నెలలో నెల్లూరులో పెళ్లి నిర్వహించనుండగా ఇప్పటినుంచే బంధువులకు క్యాలెండర్ ఆహ్వాన పత్రికలను అందజేస్తున్నారు.
