నివర్ తుఫాన్ ప్రభావంతో కురుస్తున్న భారీ వర్షాలకు నెల్లూరు నగరం జలమయమైంది. కాలవలు, రహదారులపై వరద నీరు ఉదృతంగా ప్రవహించింది. వర్షపు నీరు పోయేందుకు సరైన మురుగునీటి వ్యవస్థ లేకపోవడంతో రహదారులపై ఎక్కడికక్కడ నీరు నిలిచిపోయింది. శబరి క్షేత్రం వద్ద మోకాల్లోతు నీరు చేరింది. ఇక్కడే వున్న సోమశిల ఎస్.సి. కార్యాలయాన్ని వరద నీరు చుట్టుముట్టింది. కార్యాలయం వెళ్లే మార్గమంతా నీటితో నిండటంతో ఉద్యోగులు తీవ్ర ఇబ్బందులు ఎదుర్కొన్నారు. నగరంలో ప్రధానమైన జి.ఎన్.టి. రోడ్డు చెరువును తలపిస్తోంది. అండర్ బ్రిడ్జిల్లోకి నీరు చేరడంతో రాకపోకలకు ఆటంకం కలిగింది.
నెల్లూరులో భారీ వర్షం
