అనుమానంతో దాడి... ఒకరు మృతి, మరొకరి పరిస్థితి విషమం

నెల్లూరు జిల్లాలో దారుణం జరిగింది. తమ అమ్మాయిని ప్రేమిస్తున్నాడన్న అనుమానంతో ఓ యువకుడిపై దాడి చేశారు. ఈ దాడిని అడ్డుకున్న యువకుడి మామపై కూడా దాడి చేశారు. ఈ ఘటనలో ఒకరు చనిపోగా మరొకరి పరిస్థితి విషమంగా ఉంది.

నెల్లూరు జిల్లా చేజర్ల మండలం రెడ్డి వారి కండ్రిక గ్రామంలో దారుణం జరిగింది. అదే గ్రామానికి చెందిన అమ్మాయిని ప్రేమిస్తున్నాడన్న అనుమానంతో నరేష్​ అనే యువకుడిపై అమ్మాయి బంధువులు దాడి చేశారు. అడ్డు వచ్చిన అతని మేనమామ చిలకపాటి మల్లికార్జునపై సైతం దాడికి పాల్పడ్డారు.

క్షతగాత్రులను నెల్లూరులోని ఓ ప్రైవేటు ఆసుపత్రికి తరలించగా.. చికిత్స పొందుతూ మల్లికార్జున మృతి చెందాడు. నరేష్ పరిస్థితి విషమంగా ఉందని వైద్యులు తెలిపారు. కేసు నమోదు చేసుకున్న పోలీసులు దర్యాప్తు చేపట్టారు.

ఇదీ చదవండి