ఎడ్లబండిని ఢీకొట్టిన బైక్​.. పదో తరగతి విద్యార్థి మృతి

ఎడ్లబండిని ద్విచక్ర వాహనం ఢీకొట్టడంతో పదో తరగతి విద్యార్థి ప్రాణాలు కోల్పోయాడు. ఈ ఘటన కర్నూలు జిల్లా కోడుమూరు మండలం వర్కుర్​లో జరిగింది. ఈ ప్రమాదంలో మరో వ్యక్తికి తీవ్రగాయాలయ్యాయి.

వేగంగా వెళ్తున్న ఓ బైక్ ఎడ్లబండిని ఢీకొట్టడంతో పదో తరగతి విద్యార్థి అక్కడికక్కడే ప్రాణాలు కోల్పోయాడు. ఈ ఘటన కర్నూలు జిల్లా కోడుమూరు మండలం వర్కుర్​లో జరిగింది. గ్రామానికి చెందిన బన్ని (15) మరో వ్యక్తి ఠాగూర్ ద్విచక్రవాహనంపై పక్క ఊర్లో పెట్రోల్ కోసమని వెళ్లి.. తిరిగి వస్తుండగా.. ఎడ్ల బండిని ఢీకొట్టారు. ఈ ప్రమాదంలో బన్ని అక్కడికక్కడే మృతి చెందగా.. ఠాగూర్​కి తీవ్రగాయాలయ్యాయి.

క్షతగాత్రున్ని హుటాహుటిన 108 వాహనం​లో చికిత్స నిమిత్తం ఆసుపత్రికి తరలించారు. మృతుడు బన్ని పదోతరగతి చదువుతున్నాడు. ఘటనపై కేసు నమోదు చేసుకుని దర్యాప్తు చేస్తున్నట్లు కోడుమూరు ఎస్సై మల్లికార్జున తెలిపారు.

ఇదీ చదవండి: