శ్రీశైలంలో ఘనంగా ముగిసిన బ్రహ్మోత్సవాలు

దక్షిణ కాశీగా పేరొందిన శ్రీశైలం క్షేత్రంలో బ్రహ్మోత్సవాలు ఘనంగా ముగిసాయి. వేడుకలలో చివరిరోజు స్వామివారు భ్రమరాంబదేవి సమేతంగా అశ్వవాహనంపై భక్తులకు దర్శనమిచ్చారు.

ప్రముఖ శైవక్షేత్రం శ్రీశైలంలో మహాశివరాత్రి బ్రహ్మోత్సవాలు ముగిశాయి. బ్రహ్మోత్సవాల చివరిరోజు శ్రీభ్రమరాంబ సమేత మల్లికార్జున స్వామి అశ్వ వాహనంపై భక్తులకు దర్శనమిచ్చారు. ఆలయ ప్రాంగణంలోని అలంకార మండపంలో స్వామి, అమ్మవార్లకు.. అర్చకులు, వేదపండితులు విశేష పూజలు నిర్వహించారు. మంగళవాయిద్యాలు, కళాకారుల సందడి నడుమ ఆలయోత్సవం కన్నులపండువగా జరిగింది. ఊరేగింపు అనంతరం మహాదేవునికి సంప్రదాయబద్ధంగా పుష్పోత్సవం, శయనోత్సవం నిర్వహించారు. ఉత్సవంలో కళాకారుల నృత్య ప్రదర్శన చూపరులను ఆకట్టుకున్నాయి.

ఇదీచదవండి.