రెండు ద్విచక్ర వాహనాలు ఢీ...ముగ్గురు మృతి

మంత్రాలయం మండలంలో రెండు ద్విచక్రవాహనాలు ఢీకొన్న ఘటనలో ముగ్గురు వ్యక్తులు మృతి చెందారు. పోలీసులు కేసు నమోదు చేసుకుని దర్యాప్తు చేస్తున్నారు.

కర్నూలు జిల్లా మంత్రాలయం మండలంలోని సూగూరు-బూదురు రహదారి లో బుధవారం రాత్రి రెండు ద్విచక్ర వాహనాలు ఢీకొన్నాయి. ఈప్రమాదం లో ముగ్గురు వ్యక్తులు మృతి చెందారు. ద్విచక్ర వాహనాలు వేగంగా వెళ్తూ ఎదురెదురుగా ఢీకొనడంతో ముగ్గురు తీవ్రంగా గాయపడ్డారు. వారిని చికిత్స కోసం ఎమ్మిగనూరు ఆసుపత్రికి తరలించగా... చికిత్స పొందుతూ మాబుసాబ్(70) మృతి చెందాడు. మెరుగైన చికిత్స నిమిత్తం ప్రవీణ్ కుమార్, షేక్ ఉసేని ని కర్నూలు ఆసుపత్రికి తరలించారు. ఇద్దరు చికిత్స పొందుతూ మృతి చెందారు. మృతుల్లో మాబుసాబ్, షేక్ ఉసేని మంత్రాలయం మండలం కాగా ప్రవీణ్ కుమార్ నందవరం మండలానికి చెందినవాడు. దీనిపై పోలీసులు కేసు నమోదు చేశారు.

ఇదీ చదవండి