కరోనా వీరులకు సహచర సిబ్బంది ఘన స్వాగతం

కరోనా నుంచి కోలుకుని తిరిగి విధులకు హాజరైన పోలీసులకు సహచర సిబ్బంది ఘన స్వాగతం పలికారు. వారిపై పూల వర్షం కురిపించి ఆహ్వానించారు.

కరోనాను జయించి తిరిగి విధులకు హాజరైన నలుగురు పోలీసులను అధికారులు, సహచర సిబ్బంది అభినందించారు. కర్నూలు జిల్లా నంద్యాల ఒకటో పట్టణ పోలీసు స్టేషన్​లో విధులు నిర్వహిస్తున్న నలుగురు 15 రోజుల క్రితం కరోనా బారిన పడ్డారు. చికిత్స అనంతరం కోలుకుని తిరిగి బుధవారం విధుల్లో చేరారు.

కరోనాను జయించిన పోలీసులను సీఐ సోమశేఖర్ రెడ్డి, ఎస్సై అశోక్, సిబ్బంది అభినందించారు. వారికి పూలతో స్వాగతం పలికారు. వైరస్ సోకినా ధైర్యంగా ఉంటూ.. వైద్యుడి సలహాలు తీసుకున్నామని కరోనాను జయించిన పోలీసులు తెలిపారు.

ఇదీ చదవండి