కర్నూలు జిల్లా నంద్యాల వాసి అబ్దుల్ సలాం కుటుంబం ఆత్మహత్య కేసులో సీఐ, హెడ్ కానిస్టేబుళ్లకు బెయిల్ మంజూరు చేయటాన్ని ప్రజాసంఘాలు వ్యతిరేకించాయి. ఈ కేసుతో సంబంధం ఉన్న ఎంతటివారైనా ఉపేక్షించేది లేదని సీఎం హెచ్చరించిన 24 గంటల్లోనే బెయిల్ మంజూరుపై ఆగ్రహం వ్యక్తం చేశారు. దీనిపై సమగ్ర విచారణ జరిపించాలని డిమాండ్ చేశారు. కేసు విచారణలో ప్రభుత్వం విఫలమైందని అన్నారు.
బాధిత కుటుంబానికి న్యాయం చేస్తామని చెప్పి నిందితులకు బెయిల్ మంజూరు చేయటాన్ని ఖండిస్తున్నామని అబ్దుల్ సలాం న్యాయపోరాట కమిటీ సభ్యులు అన్నారు. నాయకులు, అధికారులు కుమ్మకై ఈ విధంగా వ్యవహరించటం సరైందికాదని మండిపడ్డారు. సీబీఐతో కానీ, సిట్టింగ్ జడ్జి బెంచ్తో ఈ కేసు విచారణ జరిపించాలని కోరారు. నిందితులకు శిక్షపడేవరకు పోరాటం చేస్తామని అన్నారు.
ఇదీ చదవండి: 'సీఐ, హెడ్ కానిస్టేబుల్‌ బెయిల్ రద్దు కోరుతూ పిటిషన్ దాఖలు'
