కర్నూలు జిల్లా కల్లూరు మండలం బస్తిపాడు గ్రామంలో జరిగిన హత్య కేసులో నిందితుడు పోలీసుల ఎదుట లొంగిపోయాడు. ఈ నెల 24వ తేదీన తెలుగు దస్తగిరి, అతని భార్య వన్నూరమ్మ పొలానికి వెళుతూ ఓ టిఫిన్ సెంటర్ వద్ద కూర్చొని ఉండగా మిన్నెల్ల హుస్సేన్ వెనుక నుంచి వచ్చి కొడవలితో దాడికి పాల్పడ్డాడు. ఈ ఘటనలో దస్తగిరి సంఘటన స్థలంలోనే మృతి చెందాడు. తన చిన్న భార్యతో వివాహేతర సంబంధం పెట్టుకున్నాడని, తనకు పక్షవాతం రావటానికి చేతబడి చేయించాడన్న అనుమానంతో హత్య చేసినట్లు నిందితుడు మిన్నెల హుస్సేన్ అంగీకరించి లొంగిపోయినట్లు కర్నూలు డీఎస్పీ మహేష్ తెలిపారు.
ఇవీ చదవండి
