కాలువను కప్పేసిన గుర్రపు డెక్క: దోమలతో స్థానికుల పాట్లు
కర్నూలు నగరంలోని కే.సీ కాలువ మొత్తం గుర్రపు డెక్కతో నిండిపోయింది. మురుగు నీరు, గుర్రపు డెక్కతో ఆ ప్రాంతంలో దోమల బెడద ఎక్కువైంది. డెక్కను మున్సిపల్ సిబ్బంది తొలగించాలని కాలనీ వాసులు కోరుతున్నారు. దోమ కాటుకు అనారోగ్యానికి గురవుతున్నామని ఆవేదన వ్యక్తం చేస్తున్నారు. ఎవరైనా పొరపాటున కాలువలోకి దిగితే ప్రమాదం జరిగే అవకాశం ఉందని అధికారులు స్పందించి కేసీ కాలువ శుభ్రం చేయాలని వేడుకుంటున్నారు.
