కర్నూలు జిల్లా పంచలింగాల చెక్‌పోస్టు వద్ద 5 కిలోల బంగారాన్ని పట్టుకున్నారు. ఈ బంగారాన్ని ప్రైవేటు ట్రావెల్స్ బస్సులో తరలిస్తుండగా పోలీసులు గుర్తించారు. బెంగళూరుకు చెందిన నగల వ్యాపారి మహావీర్ అనే వ్యక్తి హైదరాబాద్ నుంచి బెంగళూరు వెళుతున్న AP 39 TG 8888 నెంబర్ కలిగిన ప్రైవేట్ ట్రావెల్స్ బస్సులో 5 కేజీల బంగారంతో ప్రయాణిస్తుండగా పట్టుకున్నారు.
వీటిల్లో 45 బంగారు బిస్కెట్లు,రెండు నెక్లెస్లు ఉన్నట్లు గుర్తించిన పోలీసులు.. వాటికి ఎలాంటి ఈ- వే బిల్లులు చూపనందున కర్నూల్ తాలూకా పోలీస్ స్టేషన్కు అప్పగించారు. పట్టుబడిన బంగారు విలువ సుమారు రెండు కోట్ల యాభై లక్షల రూపాయలు ఉండవచ్చని అంచనా వేశారు.
ఇదీ చదవండి:
RRR Letter to CM: పోలీసు కంప్లైంట్స్‌ అథారిటీ ఛైర్మన్‌ నియామకంపై రఘురామ లేఖ
