జనానికి జాగ్రత్త లేదు.. అధికారులకు పట్టింపు లేదు.. ఇలా అయితే ఎలా?

కర్నూలు జిల్లా ఆత్మకూరులో అధికారులు ఏర్పాటు చేసిన కరోనా పరీక్షా కేంద్రాలకు జనం పెద్ద ఎత్తున తరలి వచ్చారు. కనీస జాగ్రత్తలు తీసుకోకుండా ప్రజలు హాజరవడం.. పరీక్షలు అలాగే నిర్వహించిన పరిస్థితులపై.. కొందరు తీవ్ర అసంతృప్తి వ్యక్తం చేశారు.

కర్నూలు జిల్లా ఆత్మకూరులో కరోనా పరీక్షల కోసం జనం ఎగబడ్డారు. ఈ మధ్య కాలంలో ఆత్మకూరులో కరోనా పాజిటివ్ కేసులు ఎక్కువగా నమోదు అవుతున్న కారణంగా... అధికారులు ఈ ప్రాంతంలో పరీక్షలు నిర్వహించాలని భావించారు. అందులో భాగంగా ఎండీఓ కార్యాలయంలో నమూనాలు సేకరించారు.

ఈ విషయం తెలుసుకున్న జనం భారీగా అక్కడకు చేరుకున్నారు. ఓ వైపు ప్రజలు తగిన జాగ్రత్తలు తీసుకోకపోవడం.. మరోవైపు అధికారులు వారిని నిలువరించలేక అలాగే పరీక్షలు నిర్వహించడంపై.. స్థానికులు ఆందోళన వ్యక్తం చేశారు. కరోనా వ్యాప్తి చెందుతున్న పరిస్థితుల్లో.. ఇంత నిర్లక్ష్యం మంచిది కాదన్నారు.

ఇవీ చూడండి: