జిల్లాలో పెరుగుతున్న కరోనా కేసులు

కర్నూలు జిల్లాలో కరోనా కేసులు రోజురోజుకూ పెరుగుతున్నాయి. సోమవారం మరో 13 మందికి పాజిటివ్​ రాగా..మెుత్తం కేసులు 292కి చేరాయి.

కర్నూలు జిల్లాలో కరోనా పాజిటివ్ కేసులు రోజురోజుకూ పెరుగుతూనే ఉన్నాయి. సోమవారం మరో 13 మందికి పాజిటివ్ ఉన్నట్లు రాష్ట్రప్రభుత్వం ప్రకటించింది. దీంతో జిల్లాలో మొత్తం పాజిటివ్ కేసులు 292 కి చేరాయి. వీరిలో 9 మంది మృత్యువాత పడ్డారు. 31 మంది డిశ్చార్జ్ అయ్యారు. 252 మంది కొవిడ్ ఆసుపత్రుల్లో చికిత్స పొందుతున్నారు. కొత్తగా నమోదైన 13 కేసుల్లో... కర్నూలు నగరంలో 10 మందికి, ఆస్పరిలో ఒకిరికి, కోడుమూరులో ఇద్దరికి పాజిటివ్ వచ్చినట్లు అధికారులు తెలిపారు.