ఆందోళన చేస్తున్న గొర్రెల కాపరులు
కర్నూలు జిల్లా చిప్పగిరిలో మంత్రి గుమ్మనూరు జయరాం సోదరుడు నారాయణ అనుచరులు...గొర్రెల కాపరులపై దాడికి పాల్పడ్డారు. వాహనాలకు గొర్రెలు అడ్డురావడంతో ఈ చర్యకు పాల్పడ్డారు. తిరుగు ప్రయాణంలో ఎందుకు దాడి చేశారని ప్రశ్నించిన వారిపై కూడా దాడికి పాల్పడ్డారు. ఈ దాడిని నిరసిస్తూ చిప్పగిరిలో అంబేడ్కర్ విగ్రహం ముందు గొర్రె కాపరులు ఆందోళనకు దిగారు. మంత్రి సోదరుడు నారాయణపై కేసు నమోదు చేయాలని డిమాండ్ చేశారు. వారి ఆందోళనతో గుంతకల్లు-ఆలూరు మధ్య రాకపోకలు నిలిచిపోయాయి.
గతంలోనూ పేకాట ఆడిస్తుండగా అడ్డుకున్న పోలీసులపై దాడికి పాల్పడినట్లు ఆరోపణలున్నాయి.
