రోడ్డు దాటుతుండగా ఆర్టీసీ బస్సు ఢీ.. మహిళ మృతి

నంద్యాల విజయ పాల డైరీ వద్ద రోడ్డు ప్రమాదం జరిగింది. రోడ్డు దాటుతున్న అత్తరుల్లా అనే మహిళను ఆర్టీసీ బస్సు ఢీకొట్టడంతో మృతి చెందింది.

కర్నూలు జిల్లా నంద్యాల విజయ పాల డైరీ వద్ద ఆర్టీసీ బస్సు ఢీకొని ఓ మహిళ మృతి చెందింది. పట్టణంలోని గట్టాలనగర్ కు చెందిన అత్తరుల్లా అనే మహిళ పాల డైరీ సమీపంలోని ఓ హోటల్​లో పని చేస్తుంది. ఈ క్రమంలోనే ఉదయం హొటల్ వెళ్తుండగా కర్నూలు-2 డిపోకు చెందిన అమరావతి ఆర్టీసీ బస్సు ఢీ కొట్టింది. దీనితో ఆమె అక్కడిక్కడే మృతి చెందింది. పోలీసులు కేసు నమోదు చేసి దర్యాప్తు చేస్తున్నారు.

ఇదీ చూడండి:చదవలేనని తెలిసి... తనువు చాలించింది!