ACCIDENT: కర్నూలు జిల్లాలో ఆర్టీసీ బస్సు-లారీ ఢీ.. ఒకరు మృతి

కర్నూలు జిల్లాలో ఘోర ప్రమాదం చోటు చేసుకుంది. ఆర్టీసీ బస్సును ఓ లారీ ఢీకొట్టింది. ఈ ప్రమాదంలో అనేకమంది గాయపడగా.. ఒకరు ప్రాణాలు కోల్పోయారు.

కర్నూలు జిల్లా ప్యాపిలి మండలం రామకృష్ణాపురం స్టేజీ వద్ద ఆర్టీసీ బస్సును ఓ లారీ ఢీ(A LORRY COLLIDED WITH APSRTC BUS IN KURNOOL DISTRICT) కొట్టింది. ఈ ఘటనలో ఒక మహిళ మృతి చెందగా.. 14 మందికి గాయాలయ్యాయి. బనగానపల్లె డిపోకు చెందిన ఆర్టీసీ బస్సు బనగానపల్లె నుంచి గుత్తికి ప్రయాణిస్తుండగా ప్రమాదం జరిగింది. బస్సుకు ఎదురుగా లారీ రావడంతో ప్రమాదం జరిగింది.

ఈ ప్రమాదంలో బస్సు ఒకవైపు భాగమంతా నుజ్జునుజ్జయింది. బస్సులో ప్రమాద సమయంలో 23 మంది ప్రయాణికులు ఉన్నట్లు తెలుస్తోంది. బస్సులో ఒకవైపు కూర్చున్న వాళ్లందరికీ గాయాలయ్యాయి. క్షతగాత్రులను దగ్గరలోని డోన్ ప్రభుత్వ ఆసుపత్రికి తరలించి చికిత్స అందిస్తున్నారు. వీరిలో ఇద్దరి పరిస్థితి విషమంగా ఉండడంతో కర్నూలు ప్రభుత్వాస్పత్రికి తరలించారు. మృతురాలు అవుకు చెందినవారుగా పోలీసులు గుర్తించారు. ప్రమాద ఘటనపై కేసు నమోదు చేసి దర్యాప్తు ప్రారంభించారు.

ఇదీ చదవండి: