నేడు లోక్​సభ స్పీకర్​ను కలవనున్న వైకాపా ఎంపీలు

పశ్చిమగోదావరి జిల్లా నరసాపురం ఎంపీ రఘరామకృష్ణరాజు అంశంపై వైకాపా ఎంపీలు లోక్​సభ స్పీకర్​తో చర్చించనున్నారు. ఈ మేరకు స్పీకర్​ ఓం బిర్లాను శుక్రవారం కలిసేందుకు అపాయింట్​మెంట్ తీసుకున్నట్లు సమాచారం.

వైకాపా ఎంపీ రఘురామకృష్ణరాజుపై.. ఆ పార్టీ లోక్‌సభాపక్ష నేత మిథున్‌రెడ్డి.. మరికొందరు సభ్యులతో కలిసి స్పీకర్‌ ఓం బిర్లాకు ఫిర్యాదు చేయనున్నారు. మధ్యాహ్నం 3 గంటలకు విజయసాయిరెడ్డి, మిథున్‌రెడ్డి, నందిగం సురేశ్, లావు శ్రీకృష్ణదేవరాయలు కలిసి.... రఘురామకృష్ణరాజుపై స్పీకర్‌కు అనర్హత పిటిషన్‌ ఇవ్వనున్నట్టు సమాచారం.

ఇదీ చదవండి