ఒకప్పుడు క్రీడాకారుడు.. ఇప్పుడో ఘరానా దొంగ

వరుస దొంగతనాలకు పాల్పడుతున్న వ్యక్తిని.. రైల్వే ప్రాంగణంలో నిర్వహించిన తనిఖీల్లో విజయవాడ పోలీసులు అరెస్ట్ చేశారు. ఇప్పటికే నిందితుడిపై 13 కేసులు నమోదైనట్టు గుర్తించారు.

కృష్ణా జిల్లా విజయవాడ రైల్వే ఎస్పీ నారాయణ్ నాయక్ ఆదేశాల మేరకు పోలీసులు నిర్వహించిన తనిఖీల్లో వివిధ నేరాలకు పాల్పడిన సత్యాన్వేష్ అనే దొంగను అరెస్ట్ చేశారు. రైళ్లలో నిద్రిస్తున్న ప్రయాణికుల వద్ద దొంగిలించిన బంగారాన్ని బ్యాంకుల్లో తాకట్టు పెడుతాడని.. వచ్చిన సొమ్ముతో ఊటీ, గోవాల్లో జల్సాలు చేస్తున్నట్టు గుర్తించామని చెప్పారు. ఇప్పటికే ఇతడిపై 13 కేసులు నమోదవ్వగా, 6 వందల గ్రాములు బంగారాన్ని చోరీ చేశాడని.. సుమారు 323 గ్రాముల బంగారు ఆభరణాలు స్వాధీనం చేసుకున్నామని తెలిపారు. ఇతను ఒకప్పుడు రాష్ట్రస్థాయి క్రీడల్లో ప్రతిభను కనబర్చాడని.. విలాసాలకు అలవాటుపడి దొంగ అయ్యాడని చెప్పారు.

ఇదీ చూడండి

యువతిని నరికి.. ఆపై ప్రేమోన్మాది ఆత్మహత్యాయత్నం