ఆస్పత్రిలో చికిత్స పొందుతూ వ్యక్తి మృతి

కారుపై పెట్రోల్ పోసి నిప్పంటించిన ఘటనలో విజయవాడలో చికిత్స పొందుతూ కృష్ణా రెడ్డి మృతి చెందారు. ఈ ఘటనలో నిందితుడిని పోలీసులు అరెస్టు చేసి జైలుకు తరలించారు.

ఈనెల 17వ తేదీన కారులో ముగ్గురు వ్యక్తులపై పెట్రోలు పోసి హత్యాయత్నానికి పాల్పడిన ఘటనలో విజయవాడలోని ఓ ఆస్పత్రిలో చికిత్స పొందుతున్న కృష్ణారెడ్డి మృతి చెందారు. భూవివాదాలు, ఆర్థిక లావాదేవీల కారణంగానే నిందితుడు వేణుగోపాల్​రెడ్డి ఈ ఘటనకు పాల్పడ్డారని పోలీసులు ధ్రువీకరించారు. మరిన్ని విషయాలు రాబట్టేందుకు నిందితుడిని పోలీసు కస్టడీకి తీసుకోవాలని నిర్ణయించారు. విజయవాడ కోర్టులో కస్టడీ పిటిషన్ దాఖలు చేశారు.

ఇదీ చదవండీ... మృతదేహం అప్పగింతకు లంచం డిమాండ్‌ చేసిన కామాటి సస్పెన్షన్‌