ప్రభుత్వ ఉద్యోగ సంఘాల నిబంధనల్లో మార్పులు చేర్పులతో పాటు.. కొత్త నిబంధనల రూపకల్పన కోసం ఉన్నతాధికారుల కమిటీని ప్రభుత్వం నియమించింది. ఉద్యోగ సంఘాల గుర్తింపునకు సంబంధించి (రోసా) రీఆర్గనైజేషన్ ఆఫ్ సర్వీస్ అసోసియేషన్స్ నిబంధనల్లో మార్పులు చేసే నిమిత్తం ప్రభుత్వం ఈ కమిటీని ఏర్పాటు చేసింది.
ఉన్నత విద్యాశాఖ ప్రత్యేక ప్రధాన కార్యదర్శి నేతృత్వంలో.. రెవెన్యూ శాఖ, పాఠశాల విద్యాశాఖ ముఖ్యకార్యదర్శులు, న్యాయశాఖ కార్యదర్శి, సాధారణ పరిపాలన శాఖలోని సర్వీసెస్ విభాగం ముఖ్యకార్యదర్శి సభ్యులుగా కమిటీ నియమించారు. రీఆర్గనైజేషన్ ఆఫ్ సర్వీస్ అసోసియేషన్స్ ( రోసా) నిబంధనల అధ్యయనానికి నిపుణులు, ఈ రంగంలో అనుభవం ఉన్న వ్యక్తుల సలహాలు కూడా ప్రభుత్వం తీసుకోనుంది.
ఇదీ చూడండి:
Jagan bail cancel petition: జగన్ బెయిల్‌ రద్దుపై సీబీఐ కోర్టులో ముగిసిన విచారణ.. ఆగస్టు 25న తీర్పు
