ధర్మవరపుపాడులో సీఐను నిర్బంధించిన వలస కూలీలు

తమ స్వస్థలాలకు పంపించాలంటూ కృష్ణాజిల్లా ధర్మవరపుపాడులో వలస కూలీలు ఆందోళన చేశారు. సర్కిల్ ఇన్​స్పెక్టర్​ను నిర్బంధించి..ఇంటికి పంపించే ఏర్పాట్లు చేయాలని డిమాండ్ చేశారు.

కృష్ణా జిల్లా జగ్గయ్యపేట మండలం ధర్మవరపుపాడు గ్రామంలో రాంకో సిమెంట్ కర్మాగారంలో L&T సంస్థకు చెందిన వలస కార్మికులు ఆందోళన చేశారు. జార్ఖండ్, ఉత్తరప్రదేశ్, పశ్చిమ బంగాకు చెందిన వలస కార్మికులు తమ స్వస్థలాలకు పంపిచాలంటూ నిరసన చేపట్టారు. వారి వద్దకు మాట్లాడేందుకు ప్రాంగణంలోకి వెళ్లిన స్థానిక సర్కిల్ ఇన్​స్పెక్టర్​నాగేంద్రను నిర్బంధించారు. విషయం తెలిసి సంఘటనాస్థలానికి నందిగామ డీఎస్పీ రమణమూర్తి పెద్ద ఎత్తున సిబ్బందితో చేరుకున్నారు. రేపు సాయంత్రంలోగా స్వస్థలాలకు పంపిస్తామని పోలీసులు హామీ ఇవ్వటంతో కార్మికులు ఆందోళన విరమించారు.

ఇదీచూడండి.