కరోనా వైరస్ నియంత్రణపై అవగాహన కలిగించడంతో పాటు... వైరస్ వ్యాప్తి చెందకుండా తీసుకోవాల్సిన జాగ్రత్తలతో కూడిన గోడ పత్రాలను కృష్ణాజిల్లా కలెక్టర్ ఇంతియాజ్ ఆవిష్కరించారు. క్యాంపు కార్యాలయంలో అధికారులతో కలిసి పత్రాలను విడుదల చేసిన కలెక్టర్... అనంతరం ఆయనే స్వయంగా ప్రవేశ మార్గం వద్ద వాటిని గోడకు అంటించారు.
కరోనా వైరస్ వ్యాప్తి చెందకుండా తీసుకోవాల్సిన జాగ్రత్తలను గుర్తుచేసిన కలెక్టర్... ప్రతి ఒక్కరూ ఇంట్లోనే ఉండి సురక్షితంగా ఉండాలని సూచించారు. ముందు జాగ్రత్తలు పాటించడం ద్వారా వైరస్ వ్యాప్తిని అరికట్టాలని పిలుపునిచ్చారు.
