జగన్ ప్రవేశపెట్టిన బిల్లుపై జవహర్ ట్వీట్
ఎన్నో దశాబ్దాలుగా దళితులు ఉద్యోగాలలో రిజర్వేషన్ల కోసం పోరాటం చేస్తున్న సంగతి మీకు తెలుసా...? అంటూ ట్విట్టర్లో తెదేపా నేత,మాజీ మంత్రి జవహర్, జగన్‌ను ప్రశ్నించారు. సీఎం ప్రవేశ పెట్టిన బిల్లు ప్రకారం పరిశ్రమలలో 75శాతం ఉద్యోగాలు స్థానికులకే అంటున్నారు కదా... అందులో దళితులకు ఎన్ని ఉద్యోగాలు ఇస్తున్నారో వివరించాలని కోరారు. ఇది కొత్తగా వచ్చే సంస్థలకే అమలు చేస్తారా.. లేక ఇప్పటికే ఉన్న సంస్థల్లో కూడానా ...అని ప్రశ్నించారు. ముఖ్యమంత్రి సొంత సంస్థలైన సండూర్ పవర్, సాక్షి పత్రికలో ఎంతమంది స్థానికులకు ఉద్యోగాలిచ్చారో చెప్పగలరా.. అని నిలదీశారు. ముందు వారి సంస్థల్లో స్థానికత పాటించి తరువాత మిగతా సంస్థలలో అమలు చెయ్యాలని జవహర్ డిమాండ్‌చేశారు.
ఇదీ చూడండి: అసెంబ్లీ నుంచి తెదేపా వాకౌట్
