గ్రామాల్లోకి భారీగా చేరిన వరద నీరు
విజయవాడ జగ్గయ్యపేట మండలంలోని రావిరాల గ్రామంలోకి భారీగా వరద నీరు ప్రవేశించింది. ముక్త్యాల వెళ్లే మార్గం, వేదాద్రి గ్రామంలో వరదనీరు చుట్టుముట్టింది. దీంతో ఇతర గ్రామాలకు రాకపోకలు తగ్గిపోయాయి. పులిచింతల డ్యామ్ నుండి 8 లక్షల క్యూసెక్కుల నీటిని విడుదల చేయగా...పశ్చిమ కృష్ణా గ్రామలకు వరదనీటి ముంపు పొంచి ఉంది. దీంతో జగ్గయ్యపేట మండల పరీవాహక గ్రామాల్లో అధికారులు అప్రమత్తమై...గ్రామస్థులను పునారావాస కేంద్రాలకు తరలించడానికి ఏర్పాట్లు చేస్తున్నారు. పెదలంక, చిన్నలంక గ్రామాల ప్రజలను పడవల్లో అధికారులు ఇబ్రహీంపట్నం చేర్చారు.
ఇదీ చూడండి: ప్రకాశం బ్యారేజీ వద్ద రెండో ప్రమాద హెచ్చరిక
