'కారుణ్య నియామకాలలో ప్రభుత్వం తీరు సరిగా లేదు'

AP JAC AMARAVATHI PROGRAM: రాష్ట్ర ప్రభుత్వం కారుణ్య నియామకాల విషయంలో వ్యవహరిస్తున్న తీరు సరిగా లేదని ఏపీ జేఏసీ అమరావతి ఎన్టీఆర్ జిల్లా చైర్మన్ ఈశ్వర్ పేర్కొన్నారు. ఏపీ జేఏసీ రాష్ట్ర కమిటీ ఇచ్చిన ఉద్యమ కార్యాచరణలో భాగంగా.. కొవిడ్ సమయంలో మరణించి.. కారుణ్య నియామకం పొందని కుటుంబాలను జేఏసీ నేతలు పరామర్శించారు.

AP JAC AMARAVATHI PROGRAM: కారుణ్య నియామకాల విషయంలో రాష్ట్ర ప్రభుత్వం వ్యవహరిస్తున్న తీరు సరిగా లేదని ఏపీ జేఏసీ అమరావతి ఎన్టీఆర్ జిల్లా చైర్మన్ ఈశ్వర్ పేర్కొన్నారు. ఉద్యోగుల సమస్యల పరిష్కారం నిమిత్తం ఏపీ ఐకాస రాష్ట్ర కమిటీ ఇచ్చిన ఉద్యమ కార్యాచరణలో భాగంగా కొవిడ్ సమయంలో మరణించి.. కారుణ్య నియామకం పొందని ఉద్యోగుల కుటుంబ సభ్యులను సోమవారం జేఏసీ నేతలు పరామర్శించారు.

ఈ సందర్భంగా ఈశ్వర్ మాట్లాడుతూ.. కొవిడ్ సమయంలో చాలా మంది ఉద్యోగులు మరణించారని, యనమలకుదురుకు చెందిన జాస్తి రవికుమార్ ఆర్టీసీలో డ్రైవర్​గా విధులు నిర్వహిస్తూ చనిపోయారని తెలిపారు. ఉద్యోగానికి సంబంధించి రవి కుమార్ కుటుంబ సభ్యులకు అర్హత ఉందన్నారు. కారుణ్య నియామకంలో ఉద్యోగం కల్పించాలని అధికారుల చుట్టూ తిరుగుతున్నా వారు మాత్రం స్పందించకపోవడం దుర్మార్గమన్నారు. రాష్ట్రవ్యాప్తంగా ఇటువంటి ఘటనలు చాలానే ఉన్నాయని చెప్పారు. ఏపీ ఐకాస అమరావతి ఆధ్వర్యంలో కారుణ్య నియామాకాల కోసం పోరాటం చేస్తామన్నారు.