కృష్ణా జిల్లా మచిలీపట్నంలో లాక్డౌన్ ఆంక్షలు కఠినతరం చేస్తున్నట్లు ఆర్డీవో ఖాజావలి ప్రకటించారు. నేటి నుంచి మచిలీపట్నంలో ఉదయం 6 నుంచి మధ్యాహ్నం 2గంటల వరకే దుకాణాలు తెరిచేందుకు అనుమతులు ఉన్నట్లు స్పష్టం చేశారు. రాత్రి 9 గంటల నుంచి మరుసటి రోజు ఉదయం 6 గంటల వరకు పూర్తి స్థాయి కర్ఫ్యూ ఉంటుందని వెల్లడించారు. ఈ సమయంలో రహదారిపైకి ఎవరు వచ్చినా కేసులు నమోదు చేస్తామని హెచ్చరించారు. మచిలీపట్టణం డివిజన్లో 54 కరోనా పాజిటివ్ కేసుల్లో మచిలీపట్నం నియోజకవర్గంలోనే అత్యధికంగా 40 కేసులు ఉన్నట్లు స్పష్టం చేశారు. కార్పొరేషన్ పరిధిలో 29, రూరల్లో 11 కేసులు నమోదైనట్లు వెల్లడించారు. బుధవారం ఒక్క రోజులోనే 13 కేసులు నమోదు అవ్వగా... మచిలీపట్నం రూరల్ మాలకాయలంకలో 4, ఉల్లిపాలెంలో 2, మంగినపూడిలో 1, నిజాంపేటలో 3, సర్కారుతోటలో 2, జవ్వారుపేటలో 1 కేసులు ఉన్నట్లు పేర్కొన్నారు.
ఇదీ చదవండి: 'అప్పుడు మెతక వైఖరి వల్లే..ఇప్పుడు మన మీదకి దూసుకొచ్చింది'
