కరోనా: దిల్లీ లింకుల్ని పసిగట్టే పనిలో కృష్ణా జిల్లా అధికారులు

కరోనా కేసులు గణనీయంగా పెరగుతున్న పరిస్థితుల్లో.. కృష్ణా జిల్లాలో పరిస్థితి ఆందోళనకరంగా మారింది. కరోనా బాదితుల్లో.. దీల్లీలో జరిగిన ఓ మత కార్యక్రమానికి హాజరై వచ్చిన వారు, వారి సంబంధీకులే పది మంది ఉన్నారని తేలడం.. భయానక వాతావరణం నెలకొల్పింది. విజయవాలోని పలు ప్రాంతాలను వైరస్ సోకే ప్రమాదం ఉన్న జోన్లుగా గుర్తించి అధికారులు చర్యలు చేపడుతున్నారు.

రాష్ట్రంలో కరోనా కేసులు ఒక్కసారిగా పెరిగాయి. దిల్లీ వెళ్లి వచ్చినవారే బాధితుల్లో ఎక్కువగా ఉన్నారు. దిల్లీ వెళ్లి వచ్చిన 52 మందితో పాటు వారు కలిసిన 45 మందిని గుర్తించిన విజయవాడ అధికారులు.. అందరినీ క్వారంటైన్​లో ఉంచారు. ఇలాంటివారు మరింత మంది ఉన్నారని అనుమానిస్తున్న అధికారులు.. వారిని గుర్తించేందుకు మరిన్ని చర్యల్ని ముమ్మరం చేస్తున్నారు.

ప్రజలు నిత్యావసరాలు తీసుకునే సమయం కూడా 11 గంటల వరకే కుదించి స్వీయ నియంత్రణ పాటించేలా చర్యలు చేపట్టారు. ఎక్కడికక్కడ రహదారులను మూసేసి జనసమూహం లేకుండా కట్టడి చేశారు. ప్రతి ఏటా శ్రీరామనవమి సందడి ఉండే బీసెంట్ రోడ్డు, బెంజి సర్కిల్, ఏలూరు రోడ్డు ప్రాంతాలు ఈసారి నిర్మానుషంగా మారాయి. నిర్వాహకులు ఎక్కడికక్కడ స్వచ్ఛంద లాక్​డౌన్​ పాటిస్తూ ఇళ్ల వద్దే పండుగను చేసుకుంటున్నారు.

ఇదీ చూడండి: