మద్యం తాగిన కానిస్టేబుల్ వీరంగం
అసలుకే మద్యం మత్తులో ఉన్నాడు... అందునా పోలీసాయన... తూలుతూ విధులు నిర్వహిస్తున్నాడు...అప్పుడే రోడ్డుపైకి వచ్చిందో వ్యాను. ఇక అంతే... మత్తులో ఉన్న కానిస్టేబుల్... వ్యాన్ డ్రైవర్పై చిందులేసి, చేయి చేసుకున్నారు. అటువైపు ప్రయాణానికి అనుమతులు లేవన్న విషయం చెబుతూ నానా రభస చేశాడు. స్థానికులు నిలదీయగా.. అక్కడ నుంచి నెమ్మదిగా జారుకున్నాడాయన. ఇదంతా కృష్ణా జిల్లా నూజివీడులో జరిగింది. పట్టణంలో పొట్టి శ్రీరాములు విగ్రహం వైపు నుంచి గాంధీ విగ్రహం వరకూ వాహనాలకు అనుమతి లేకపోవడం.. అక్కడ విధుల్లో ఉన్న ఈ కానిస్టేబుల్ మద్యం మత్తులో ఉండడం.. ఈ రభసకు కారణమైంది. ''చేయి చేసుకునే హక్కు మీకెక్కడది'' అని స్థానికులు ప్రశ్నించగా... బిత్తరపోయిన ఆ అధికారి అక్కడ నుంచి నెమ్మదిగా జారుకున్నారు.
ఇదీ చదవండి:
