'నాగార్జున రెడ్డిపై దాడికి నాకు ఎలాంటి సంబంధం లేదు'

జర్నిలిస్టు నాగార్జునరెడ్డిపై జరిగిన దాడికి తనకు ఎలాంటి సంబంధం లేదని వైకాపా నేత ఆమంచి కృష్ణమోహన్​ అన్నారు. ఈ విషయంలో తాను ఎలాంటి విచారణకైనా సిద్ధమని ప్రకటించారు. రాష్ట్రంలో శాంతి భద్రతలు లోపించాయని చంద్రబాబు డీజీపీకి లేఖ రాయడం తెదేపా దిగజారుడు తనానికి నిదర్శనమని విమర్శించారు.

జర్నలిస్టు నాగార్జున రెడ్డిపై జరిగిన దాడితో తనకు ఎలాంటి సంబంధం లేదని వైకాపా నేత, మాజీ ఎమ్మెల్యే ఆమంచి కృష్ణమోహన్ స్పష్టం చేశారు. దాడి చేయాల్సిన అవసరం తనకు లేదని.. ఈ విషయంలో ఎలాంటి విచారణకైనా సిద్ధమని ప్రకటించారు. రాష్ట్రంలో శాంతి భద్రతలు లోపించాయని చంద్రబాబు నాయుడు డీజీపీకి లేఖ రాయడం తెదేపా దిగజారుడు తనానికి నిదర్శనమని విమర్శించారు. చంద్రబాబు చెబుతున్నట్లు నాగార్జునరెడ్డి జర్నిలిస్టు కాదని అన్నారు. దాడి ఘటనకు సంబంధించి పోలీసులు 12 మంది అనుమానితులను ఇప్పటికే అరెస్టు చేశారని తెలిపారు.

ఇదీ చూడండి:

రుణమాఫీపై చర్చకు చంద్రబాబు సిద్ధమా?: మంత్రి కన్నబాబు