ఇంట్లోనే కరోనా పరీక్షలు చేసుకోండిలా...!

కరోనా విస్తరిస్తున్న వేళ.. కరోనా నిర్ధరణ పరీక్షలకై ఆసుపత్రికి వెళ్లడానికి భయపడేవారెందరో.. కరోనా లక్షణాలపై ప్రజలకు అవగాహన కల్పించేలా.ఎలాంటి అనుమానిత లక్షణాలున్నా వెంటనే వైద్యం చేయించుకునేలా....ప్రజల్లో సామాజిక స్పృహను కలిగించే దిశగా ఓ యువకుడు కృషి చేస్తున్నాడు. తన స్నేహితులతో కలిసి ఓ వెబ్ ఆధారిత అప్లికేషన్​ను రూపొందించి... వైద్య శాఖ, ప్రభుత్వాలకు తమవంతు సహకారం అందిస్తున్నాడు. కరోనా లక్షణాలు కనిపించినా.... తాము ఉన్న చోటే వ్యాధి నిర్ధరణ చేసుకునేందుకు ఈ అప్లికేషన్ ఉపయోగపడుతుందంటున్న యువకుడిపై ప్రత్యేక కథనం

ఇంట్లోనే కరోనా పరీక్షలు...
కరోనా మహమ్మారి ఇప్పటికే లక్షలాది మందిని పొట్టనపెట్టుకుంది. మన దేశంలోనూ కరోనా వైరస్ ప్రభావం....ఎక్కువగానే ఉంది. అయితే కరోనా వైరస్ గుర్తింపులో అతి ముఖ్యమైన ప్రక్రియ వ్యాధి నిర్ధారణ పరీక్షలు చేయడం. ఓ వైపు అనుమానితులకు ప్రభుత్వాలు పెద్ద ఎత్తున పరీక్షలు జరుపుతున్నా....ఇంకా కొంత మంది పరీక్షలు చేయించుకునేందుకు వెనకడుగువేస్తున్నారు. పరీక్షలు చేయిస్తే ఎలాంటి ఫలితం వస్తుందే....ఆస్పత్రులకు వెళ్లి చేయించుకోవాల్సి ఉంటుందేమోననే అనుమానాలతో పరీక్షలకు ముందుకు రావడం లేదు. అలాంటి వారి కోసం కృష్ణాజిల్లాలోని నున్న గ్రామానికి చెందిన సాయికృష్ణ ఓ వెబ్ ఆధారిత అప్లికేషన్​ను రూపొందించాడు. WWW.CHECKCOVIDNOW.COM(చెక్ కొవిడ్ నౌ) అనే అప్లికేషన్ ను....స్నేహితులు అన్నమయ్య, విజయ్​తో కలిసి అందుబాటులోకి తీసుకొచ్చాడు.

జీపీఆర్ఎస్ మొబైల్ ఫోన్లలోనూ పని చేస్తుంది..
ఆస్పత్రులకు వెళ్లేందుకు సంశయించే వారు, తమకు కరోనా సోకిందా.. లేదా ..అనే అనుమానం ఉన్న ఎవరైనా.....ఈ అప్లికేషన్ ను ఓపెన్ చేసి...చాలా సులభంగా కొవిడ్ పరీక్ష చేయించుకోవచ్చు. కేవలం 30 సెకన్లలో తమకు కరోనా ఉందా లేదా అనే విషయాన్ని శాస్త్రీయ పద్ధతిలో తెలుసుకోవచ్చు. అన్ని రకాల చరవాణుల్లోనూ ఇది ఓపెన్ అవుతుంది. ఇందుకోసం ప్రత్యేకంగా ఆండ్రాయిడ్ ఆధారిత స్మార్ట్ ఉండాల్సిన పనిలేదు. జీపీఆర్ఎస్ మొబైల్ ఫోన్లలోనూ తేలిగ్గా పనిచేస్తుంది. ప్రపంచ ఆరోగ్య సంస్థ(డబ్ల్యూహెచ్​ఓ), ఐసీఎమ్ఆర్ ప్రమాణాలకు అనుగుణంగా తయారు చేసిన 11 సులభ ప్రశ్నలకు సమాధానాలు ఇవ్వడం ద్వారా మనకు కరోనా సోకిందా లేదా అనే విషయాన్ని నిర్ధారించుకోవచ్చు.

వ్యాధి లక్షణాలు త్వరగా తెలుసుకోవచ్చు..
వ్యక్తులు ఇచ్చే సమాధానాలకు బట్టి.....వారికున్న లక్షణాల ఆధారంగా హై, మీడియం, లో....అని మూడు భాగాలుగా విభజిస్తారు. వీటిలో ఎవరికైనా 'హై' అని తేలితే వెంటనే ఆ సమాచారాన్ని సంబంధిత డీఎంహెచ్ వో లేదా ప్రభుత్వ వైద్య అధికారులకు సమాచారాన్ని ఈ-మెయిల్ ద్వారా అందిస్తారు. ఫలితంగా ఫలానా ప్రాంతంలో కోరనా కేసు నమోదైందన్న విషయం వైద్య అధికారులకు తెలియడం ద్వారా వారిని అప్రమత్తం చేసేందుకు కూడా ఈ అప్లికేషన్ ఉపయోగపడుతుందని సాయికృష్ణ చెబుతున్నాడు

ఇంట్లోనే ఉంటూ మనల్ని మనం కాపాడుకోవచ్చు..
కేవలం 900 రూపాయల వ్యయంతో ఈ ప్రాజెక్టు చేపట్టామని....ఇందుకోసం ఎవరూ తమ వ్యక్తిగత సమాచారాన్ని కానీ, డబ్బుని కానీ ఇవ్వాల్సిన అవసరం లేదని సాయికృష్ణ తెలిపాడు. కేవలం చెక్ కొవిడ్ నౌ అని శోధించి పరీక్ష చేయించుకుంటే సరిపోతుందని సాయికృష్ణ చెబుతున్నాడు. ఈ పరీక్ష చేయించుకోవడం ద్వారా తమతో పాటు కుటుంబ సభ్యులను కూడా సురక్షితంగా ఉంచవచ్చనేది దీని ముఖ్యఉద్దేశంగా వివరిస్తున్నాడు. ఈ అప్లికేషన్ కు మంచి స్పందన రావడంతో....ఇదే ఉత్సాహంతో త్వరలో డిజిటల్ క్వారంటైన్ అనే అప్లికేషన్ ను సైతం రూపొందించే పనిలో ఉంది సాయికృష్ణ బృందం. ఒకవేళ ఎవరికైనా కరోనా సోకితే....ఆస్పత్రికి వెళ్లకుండా ఇంట్లోనే ఉంటూ దాని నుంచి ఎలా కాపాడుకోవాలి....మన కుటుంబ సభ్యులు దాని బారిన పడకుండా ఎలాంటి జాగ్రత్తలు తీసుకోవాలనే అంశాలను ఇందులో పొందుపరచనున్నారు.

చెక్ కొవిడ్ నౌ అని..ఇప్పుడే చెక్ చేయండి..
ప్రస్తుతం కొవిడ్-19 ఉందా లేదా అని తెలుసుకునేందుకు ఆరోగ్య సేతు లాంటి యాప్ ఉన్నా...దాన్ని వినియోగించేందుకు కచ్చితంగా ఆండ్రాయిడ్ ఆ‍ధారిత స్మార్ట్ ఫోన్ ఉండాల్సిందేనని....కానీ 'చెక్ కొవిడ్ నౌ' అప్లికేషన్​ను సాధారణ ఫోన్లలోనూ ఉపయోగించుకోవచ్చనేది సాయికృష్ణ చెబుతున్నారు.

ఇదీచూడండి.