విజయవాడలో పుస్తకాల పండుగకు వేళాయెరా!

వచ్చేసింది.. వచ్చేసింది.. పుస్తకాల పండుగ వచ్చేసింది. నాలుగేళ్లుగా విజయవాడ పుస్తక ప్రియులకు ఉచితంగా పుస్తకాలను అందిస్తున్న సర్వోత్తమ గ్రంథాలయం.. ఈసారీ 50 వేల పుస్తకాలతో ప్రదర్శన ఏర్పాటు చేసింది. శనివారం మొదలైన ఈ పుస్తకాల పండగ.. ఆదివారంతో ముగియనుంది.

పుస్తకం హస్త భూషణం అంటారు. తరాలు మారినా.. సాంకేతిక పరిజ్ఞానం ఎంతగా అందుబాటులోకి వచ్చినా పుస్తకం విలువ ఎప్పటికీ మారదు. గతంతో పోలిస్తే పుస్తకాలు చదివేవారి సంఖ్య తగ్గినా.. ఇప్పటికీ స్మార్ట్​ఫోన్ తెరపై కన్నా.. పుస్తకంలోని అక్షరాలు చదివేవారూ ఉన్నారు. అలాంటివారికి ఉచితంగా పుస్తకాలు అందజేస్తూ.. నేటి తరానికీ అక్షరాల విలువను తెలుపుతోంది సర్వోత్తమ గ్రంథాలయం. నాలుగేళ్లుగా ఎంతోమందికి, ఎన్నో పుస్తకాలను ఉచితంగా అందజేసిన సర్వోత్తమ గ్రంథాలయం.. ఈ ఏడూ ఉచితంగా పుస్తకాల వితరణ కార్యక్రమాన్ని ఏర్పాటుచేసింది. 50 వేల పుస్తకాలను పాఠకుల ముందు ఉంచింది. విద్యార్థులకు ఉపయోగపడే పుస్తకాలు, సాహిత్యం, చరిత్ర వంటి అనేక రకాలు అందుబాటులోకి తెచ్చింది. తమకు కావలసిన బుక్స్​ను తీసుకునేందుకు విద్యార్థులు, పుస్తక ప్రియులు తరలివస్తున్నారు. ఒక్కొక్కరికీ 2 పుస్తకాలు ఉచితంగా ఇస్తున్నారు. గ్రంథాలయాలకు, విద్యాలయాలకు 100 పుస్తకాల వరకూ అందజేస్తున్నారు. పాఠకులు తమకు కావలసిన పుస్తకాలు ఎంపిక చేసుకుని.. తమ ఆనందాన్ని తెలియజేశారు. ఈ అవకాశాన్ని ప్రతిఒక్కరూ వినియోగించుకోవాలని నిర్వాహకులు కోరారు. శనివారం మొదలైన ఈ పుస్తకాల పండగ.. ఆదివారంతో ముగియనుంది.

ఇవీ చదవండి..

కనిపించని ఆ నాలుగో సింహమే పోలీస్​!