గుంటూరు జిల్లా సూర్యలంక తీరంలో సైన్యం శిక్షణా కార్యక్రమాలకు అనుమతి ఇస్తూ రాష్ట్ర ప్రభుత్వం సోమవారం ఉత్తర్వులు జారీ చేసింది. ఈ ఏడాది నవంబరు 23 తేదీ నుంచి డిసెంబరు 4 తేదీ వరకూ గుంటూరు జిల్లా సూర్యలంకలో మిలటరీ శిక్షణా కార్యక్రమాలు నిర్వహించనున్నట్టు వెల్లడించింది. సముద్రం వైపునకు శతఘ్నులతో కాల్పుల శిక్షణకు అనుమతి మంజూరు చేస్తూ సాధారణ పరిపాలశాఖ కార్యదర్శి ప్రవీణ్ ప్రకాశ్ ఆదేశాలు జారీ చేశారు.
సూర్యలంకలోని ఎయిర్ఫోర్స్ స్టేషన్ సమీపంలో మిలటరీ శిక్షణా కార్యక్రమాలు నిర్వహించనున్నట్టు వెల్లడించారు. శిక్షణలో భాగంగా 6 నుంచి 8 యుద్ధ విమానాలు పాల్గొంటాయని ప్రభుత్వం పేర్కొంది. ఈ క్రమంలో సూర్యలంక ఎయిర్ ఫోర్స్ స్టేషన్ పరిధిలోని 100 కిలోమీటర్ల వరకూ నిషేధిత జోన్గా నిబంధనలు అమల్లో ఉంటాయని.. రాకపోకలు, సముద్రంలో చేపలవేట నిషేధమని ప్రభుత్వం స్పష్టం చేసింది. అటు వాణిజ్య నౌకలకు కూడా ప్రత్యామ్నాయ మార్గాలను సూచించినట్టు తెలిపింది.
ఇదీ చదవండి:
